காலி – தங்கெதர பகுதியில் அமைந்துள்ள தனியார் பாடசாலை ஒன்றின் அதிபரைத் தாக்கிய சம்பவத்துடன் தொடர்புடைய 7 பெற்றோரை காவல்துறையினர் கைது செய்துள்ளனர்.கைது செய்யப்பட்டவர்களில் மூவர் பெண்கள் என காவல்துறை குறிப்பிட்டுள்ளது.கடந்த 19ஆம் திகதி குறித்த பாடசாலையின் இல்லங்களுக்கு இடையிலான விளையாட்டுப் போட்டி நடைபெற்றுக் கொண்டிருந்த போதே இந்தத் தாக்குதல் சம்பவம் இடம்பெற்றுள்ளது.தாக்குதலுக்கு உள்ளாகி காயமடைந்த அதிபர், சிகிச்சைக்காக கராப்பிட்டிய போதனா மருத்துவமனையில் அனுமதிக்கப்பட்டுள்ளார்.பண கொடுக்கல் வாங்கல் தொடர்பான ஒரு விவகாரமே இந்தத் தாக்குதலுக்குக் காரணமாக இருக்கலாம் எனத் தெரிவிக்கப்படுகிறது.கைது செய்யப்பட்ட சந்தேகநபர்களை இன்றைய தினம் நீதிமன்றத்தில் முன்னிலைப்படுத்த காவல்துறையினர் நடவடிக்கை எடுத்திருந்தனர்.
காலி தங்கெதர தனியார் பாடசாலை அதிபர் மீது தாக்குதல்: 3 பெண்கள் உட்பட 7 பெற்றோர் கைது
