யாழ்ப்பாணம், நல்லூர் பகுதியில் பிரபல சைவ உணவகம் ஒன்றில் போத்தலில் அடைக்கப்பட்ட குடிநீரை நிர்ணயிக்கப்பட்ட விலையை விட அதிக விலைக்கு விற்பனை செய்தமைக்காக, உணவக உரிமையாளருக்கு ரூ.9.5 இலட்சம் அபராதம் விதிக்கப்பட்டுள்ளது.யாழ்ப்பாண மாவட்ட நுகர்வோர் விவகார அதிகாரசபைக்கு கிடைத்த தகவலின் அடிப்படையில் குறித்த உணவகத்தில் அதிகாரிகள் சோதனை மேற்கொண்டுள்ளனர்.இதன்போது, குடிநீர் போத்தல்கள் அனுமதிக்கப்பட்ட அதிகபட்ச விலையை விட அதிக விலைக்கு விற்பனை செய்யப்பட்டமை உறுதி செய்யப்பட்டதைத் தொடர்ந்து, சட்ட நடவடிக்கை எடுக்கப்பட்டுள்ளது.இதையடுத்து யாழ்ப்பாணம் மேலதிக நீதவான் நீதிமன்றத்தில் வழக்கு தாக்கல் செய்யப்பட்டது.இன்று செவ்வாய்க்கிழமை நடைபெற்ற விசாரணையின்போது, உணவக உரிமையாளருக்கு ரூ.950,000 அபராதம் விதித்து நீதிமன்றம் உத்தரவிட்டுள்ளது.அபராதத் தொகையை செலுத்தத் தவறினால் 6 மாத சிறைத்தண்டனை அனுபவிக்க வேண்டும் எனவும் நீதிமன்றம் உத்தரவிட்டுள்ளது
நல்லூரில் குடிநீரை அதிக விலைக்கு விற்ற பிரபல சைவ உணவகத்திற்கு ரூ.9.5 இலட்சம் அபராதம்
