ஹோர்முஸ் நீரிணையை முற்றுகையிடும் அமெரிக்க திட்டம் – அதையும் மீறி ஈரான் கப்பல்கள் கடந்து சென்றதாக தகவல்

ஈரான் மீதான கடல்சார் முற்றுகையை அமெரிக்கா அறிவித்துள்ள நிலையில், அதனையும் மீறி ஈரானியக் கொடியுடன் கூடிய மூன்று கப்பல்கள் ஹோர்முஸ் நீரிணையைக் கடந்து அரபிக் கடலுக்குள் நுழைந்துள்ளதாக ‘மரைன் ட்ரஃபிக்’ (MarineTraffic) தரவுகள்தெரிவிக்கின்றன.ஹோர்முஸ் நீரணையை அமெரிக்க நேரப்படி இன்று காலை 10 மணி முதல் முற்றுகையிடுவதாக, அமெரிக்க மத்திய கட்டளையகம் (US Central Command) தெரிவித்துள்ளது.ஈரானியத் துறைமுகங்களுக்குச் செல்லும் மற்றும் அங்கிருந்து வெளியேறும் அனைத்து கடல்சார் போக்குவரத்திற்கும் எதிராக இந்தத் தடை அமுல்படுத்தப்படும் என்று அமெரிக்கா தெரிவித்துள்ளது.எனினும், இத்தகைய முற்றுகையானது சர்வதேச கடல்சார் சட்டங்களை மீறும் செயலாக அமையக்கூடும் என, பிபிசி ஊடகத்திடம் கருத்து தெரிவித்துள்ள மூன்று சட்ட வல்லுநர்கள் எச்சரித்துள்ளனர்.மேலும், இராணுவ ரீதியாக அமுல்படுத்தப்படும் இந்த முற்றுகை, தற்போது நடைமுறையில் உள்ள போர்நிறுத்த ஒப்பந்தத்தை மீறுவதாக அமையாதா? என்றும் அவர்கள் கேள்வி எழுப்பியுள்ளனர்.கடந்த செவ்வாய்கிழமை மாலை போர்நிறுத்தம் அறிவிக்கப்பட்டதில் இருந்து, ஹோர்முஸ் நீரிணை வழியாகக் குறைந்தது 60 கப்பல்கள் கடந்துள்ளன.போர்நிறுத்தத்திற்கு முந்தைய காலத்தை விட இது குறிப்பிடத்தக்க அதிகரிப்பு என்றும் தெரிவிக்கப்பட்டுள்ளது.போர் தொடங்குவதற்கு முன்னதாக, நாளொன்றுக்கு சுமார் 138 கப்பல்கள் இந்த நீரிணை வழியாகப் பயணித்ததாகக் கூட்டு கடல்சார் தகவல் மையம் தெரிவித்துள்ளது.தற்போதுள்ள சூழலில், அமெரிக்காவின் இந்த முற்றுகை அறிவிப்பு பிராந்தியத்தில் மீண்டும் பதற்றத்தை அதிகரித்துள்ளது.