நீண்ட காலமாக மாற்ற முடியாமல் இருந்த @gmail.com என்று முடியும் மின்னஞ்சல் முகவரியின் ஆரம்பப் பகுதியை, இப்போது பயனர்கள் மாற்றிக்கொள்ளும் வசதியைக் கூகுள் நிறுவனம் அறிமுகப்படுத்தியுள்ளது.இதற்கு முன்னர், மூன்றாம் தரப்பு மின்னஞ்சல் முகவரிகளை (third-party email addresses) பயன்படுத்தி உருவாக்கப்பட்ட கணக்குகளுக்கு மட்டுமே இத்தகைய மாற்றங்களைச் செய்ய முடிந்தது. ஆனால் தற்போது நேரடி Gmail கணக்குகளுக்கும் இந்த வசதி கிடைக்கின்றது.உங்கள் பழைய மின்னஞ்சல் முகவரியை மாற்றிய பிறகு, அந்த பழைய முகவரியானது ஒரு ‘மாற்றுப் பெயராக’ (Alias) தொடர்ந்து செயற்படும்.இதனால் பழைய முகவரிக்கு வரும் மின்னஞ்சல்கள் தடையின்றி உங்களுக்குக் கிடைக்கும்.முகவரியை மாற்றுவதால் உங்கள் கணக்கிலுள்ள புகைப்படங்கள், செய்திகள் அல்லது பிற தரவுகளுக்கு எந்தப் பாதிப்பும் ஏற்படாது.ஒரு பயனர் தனது மின்னஞ்சல் முகவரியை மொத்தமாக 3 முறை மட்டுமே மாற்ற முடியும். ஒருமுறை முகவரியை மாற்றிய பிறகு, மீண்டும் ஒரு புதிய முகவரியை உருவாக்க ஒரு வருடம் காத்திருக்க வேண்டும். இந்த வசதி தற்போது கூகுளின் உதவிப் பக்கத்தில் (Support Page) அதிகாரப்பூர்வமாகப் பதிவேற்றப்பட்டுள்ளது.இது படிப்படியாகப் பயனர்களுக்கு வழங்கப்பட்டு வருவதால், உங்கள் கணக்கிற்கு இந்த வசதி கிடைக்க இன்னும் சில காலம் எடுக்கலாம்.
நீண்ட காலக் கட்டுப்பாடு நீக்கம் – Gmail மின்னஞ்சல் பெயரை மாற்றும் வசதி அறிமுகம்
