நேபாளத்தில் ஏற்பட்டுள்ள பாரிய வெள்ளப்பெருக்கைத் தொடர்ந்து, அந்நாட்டின் தற்போதைய நிலைமை குறித்து நேபாள வெளிவிவகார அமைச்சர் சிசிர் கானல் உடன் பயனுள்ள தொலைபேசி உரையாடல் ஒன்றை நடத்தியதாக இலங்கை வெளிவிவகார அமைச்சர் விஜித ஹேரத் தெரிவித்துள்ளார்.
X தளத்தில் வெளியிட்ட பதிவில் அமைச்சர் இதனைத் தெரிவித்துள்ளார்.
நேபாளத்திற்கு இலங்கை வழங்கும் உதவிகள் அந்நாட்டின் தேவைகளுக்கு ஏற்ப சரியான முறையில் அமைய வேண்டும் என்பதற்காக, இரு நாடுகளின் அனர்த்த முகாமைத்துவ நிலையங்களும் நெருக்கமாக ஒருங்கிணைந்து செயல்படும் என அமைச்சர் குறிப்பிட்டுள்ளார்.வெள்ளப்பெருக்கால் பாதிக்கப்பட்டுள்ள நேபாளத்திற்கு தேவையான குறிப்பிட்ட உதவிகளை அடையாளம் கண்டு, அதற்கேற்ப இலங்கையின் ஆதரவை வழங்குவதற்கான நடவடிக்கைகள் மேற்கொள்ளப்படவுள்ளன.“நெருங்கிய நண்பரும் அயல்நாடுமான நேபாளத்துடனான ஒற்றுமையிலும் அர்ப்பணிப்பிலும் இலங்கை தொடர்ந்து உறுதியாக உள்ளது” என அமைச்சர் விஜித ஹேரத் தெரிவித்துள்ளார்.
